Որովայնի հատվածում կուտակված ճարպերից ազատվելը բարդ է, բայց հնարավոր է՝ ճիշտ սննդակարգի ու ֆիզիկական ակտիվության դեպքում։
Այս 5 խորհուրդները կօգնեն ձեզ այդ նպատակին հասնելու հարցում։
Նվազեցրեք աղի օգտագործումը։ Աղի սահմանափակ օգտագործումն անհրաժեշտ է օրգանիզմին, բայց եթե սկում եք շատ աղ օգտագործել, դա հանգեցնում է որովայնի փքվածության։ Աղի մեծ քանակով օգտագործումն օրգանիզմում հեղուկի կուտակման պատճառ է դառնում։ Հարկավոր է նվազեցնել աղի օգտագործումը, խուսափել ֆաստ-ֆուդից, մշակման ենթարկված մթերքից։ Դրանց պատրաստման ընթացքում մեծ քանակով աղ է օգտագործվում՝ մթերքն ավելի երկար պահպանելու համար։
Ավելի շատ ջուր խմեք։ Օրգանիզմի ջրազրկումը կանխարգելելու համար հարկավոր է այն ապահովել անհրաժեշտ քանակի ջրով։ Եթե ձեր քաշը 55 կգ է, ապա խորհուրդ է տրվում օրվա ընթացքում 2 լիտր ջուր խմել։
Շաքար։ Շաքարի օգտագործումն ուղղակիորեն կապված է որովայնի հատվածում ճարպերի կուտակման հետ։ Հարկավոր է նվազեցնել ոչ միայն շաքարի, այլև արհեստական քաղցրացնող միջոցների օգտագործումը։ Դրանց պարբերական օգտագործումը կարող է հանգեցնել նույնիսկ աղեստամոքսային տրակտի խանգարման, որովայնի փքվածության։
«Ոչ» ասեք մաստակին։ Մաստակը ստիպում է օդ կուլ տալ, որը հայտնվում է որովայնում։ Սա հանգեցնում է որովայնի փքվածության։
Հրաժարվեք գազավորված ըմպելիքից։ Կարբոնացումը որովայնի փքվածության պատճառներից մեկն է։ Գազավորված ըմպելիքների օգտագործման արդյունքում որովայնում գազեր են առաջանում, և դուք բախվում եք որովայնի փքվածության խնդրին։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
