Ավելորդ քաշից ազատվելու համար շատերը դիմում են բավական խիստ սննդակարգերի օգնությանը, սակայն մասնագետները նշում են, որ հիանալի արդյունքի կարելի է հասնել անգամ չնչին ջանքեր գործադրելու դեպքում:
zNews-ը Ձեր ուշադրությանն է ներկայացնում մի քանի պարզ հնարք, որոնք կօգնեն հեշտությամբ նիհարել:
Դատարկ ստամոքսին ջուր խմել
Անմիջապես արթնանալուց հետո դատարկ ստամոքսին մի բաժակ ջուր խմելը հիանալի սովորություն է: Սակայն այս դեպքում ջուրը չպետք է լինի սառը: Այս պարզ հնարքն ակտիվացնում է նյութափոխանակության գործընթացներն ու նախապատրաստում աղեստամոքսային տրակտն ինտենսիվ աշխատանքին:
Նախաճաշել
Հետազոտությունները ցույց են տվել, որ նախաճաշը դրական ազդեցություն է ունենում նյութափոխանակության գործընթացների վրա և արագացնում է նյութափոխանակության համակարգի աշխատանքը, ինչի շնորհիվ սնունդն ավելի արագ է մարսվում:
Ուտել 3-4 ժամը մեկ
Ավելորդ քաշից ազտվելու լավագույն միջոցներից մեկն օրական 5-6 անգամ ուտելն է: Այս մեթոդը կօգնի արդյունավետ կերպով կանխել սննդի չարաշահումն ու քաշի ավելացումը: Սակայն հարկ է հիշել, որ սննդի չափաբաժինը չպետք է մեծ լինի ու գերազանցի 300 գրամը:
Օրական 5 րոպե քայլել
Օրական գոնե 5 րոպե ակտիվ քայլելու դեպքում մարդը շաբաթական 35 րոպե կվատնի աերոբային վարժությունների վրա, ինչն արդեն իսկ բավական լավ ցուցանիշ է: Մասնագետների խոսքով՝ մարդը շաբաթական առնվազն 1.5 ժամ պետք է աերոբային վարժություններ կատարի, ինչը նշանակում է, որ օրական 5 րոպե քայլելն արդեն իսկ զգալի արդյունք կլինի:
Օրական մեկ հատ խնձոր ուտել
Հետազոտություննը ցույց են տվել, որ օրական մեկ խատ խնձոր ուտող կանայք շատ ավելի արագ են նիհարում, քան նրանք, ովքեր չեն օգտագործում այս համեղ միրգը: Բացի այդ, խնձորի սիրահարների համար շատ ավելի հեշտ է լինում պահպանել կայուն քաշն ու սլացիկ կազմվածքը:
5-10 րոպե շուտ քնել
Վաղուց ապացուցված է, որ քնի պակասը նպաստում է ճարպային հյուսվածքների կուտակմանը, քանի որ ակտիվացնում է սթրեսի հորմոնը՝ կորտիզոլն ու առաջացնում է անառողջ մթերք ու քաղցրավենիք օգտագործելու ցանկություն: Սակայն մասնագետներն ընդգծում են, որ օական ընդամենը մի քանի րոպե շուտ քնելը կօգնի լուծել այս խնդիրը:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ