Լյարդը մարդու ամենամեծ ներքին օրգանն է, որն անընդմեջ կատարում է տարբեր եւ բազմաթիվ խնդիրներ։

Օրգանիզմում կա միայն մեկ լյարդ (այսպես կոչված՝ չզույգված օրգան), եւ, հետեւաբար, դիսֆունկցիան, լյարդի անբավարարությունը հատկապես վտանգավոր է կյանքի համար, բացասաբար է անդրադառնում առողջության եւ բարեկեցության վրա։ Այս մասին doctorpiter.ru-ին ասել է բժիշկ Սուլթան Աժիկովը։

Լյարդի հիվանդությունները շատերին ծանոթ են, եւ դրանցից շատերը կարող են բավականին ծանր լինել՝ հեպատիտ C եւ B, լյարդի ալկոհոլային հիվանդություն, ցիռոզ, լյարդի քաղցկեղ:

Նման հիվանդությունների կամ դրանց կասկածի դեպքում անհրաժեշտ է մշտական ​​բժշկական մոնիթորինգ, կանոնավոր հետազոտություններ եւ բուժում։

Մասնագետի  խոսքով՝ լյարդի հիվանդության վաղ փուլերում ախտանշանները կարող են լինել սովորական եւ ոչ ակնհայտ։

Առաջին բնորոշ ախտանիշներից են՝ 

• վատ ախորժակ առավոտյան կամ ողջ օրվա ընթացքում;
• սրտխառնոց, փսխում;
• ծանրություն որովայնի շրջանում;
• փքվածություն;
• փորկապություն։

Զարմանալիորեն, լյարդի դիսֆունկցիայի դեպքում նախ պետք է ուշադրություն դարձնել մաշկի վրա:

Կարող է առաջանալ մաշկի քոր, քերծվածքներ։

Քորի զգացումն առավել ցայտուն կլինի որովայնի, ձեռքերի, ոտքերի,  թեւատակերի հատվածում։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ