Ակնեն բավական տհաճ խնդիր է, որը լուրջ բարդույթների պատճառ կարող է դառնալ անգամ մաշկի բուժումից հետո, քանի որ կարող է բավական տհաճ հետքերի առաջացման պատճառ դառնալ։

Այս խնդրի զարգացման պատճառները ոչ բոլորին են հայտնի, սակայն Լոնդոնի թագավորական քոլեջի գիտնականները պարզել են դրանցից մեկը: Այս մասին գրում է medikforum.ru կայքը՝ ZmeScience-ին հղումով:

Հայտնի է, որ մաշկային խնդիրները կապված են լինում ճարպագեղձերի խցանմամբ պայմանավորված բորբոքումներով, սակայն բրիտանացի գիտնականները պարզել են, որ այս երևույթը կարող է կապված լինել GATA6 սպիտակուցի հետ, որի էքսպրեսիան տեղի է ունենում մազարմատներում:

Հետազոտությունների արդյունքում գիտնականները պարզել են, որ ակնեով հիվանդների մոտ այդ սպիտակուցի էքսպրեսիայի մակարդակը նվազած է: Այս կերպ պարզ է դարձել, որ GATA6 սպիտակուցը մասնակցում է մազարմատների վիճակը կարգավորող գործընթացներին: Բացի այդ, սպիտակուցի այս տեսակը մասնակցում է նաև ակնեին ուղեկցող բորբոքման վրա ազդող իմունաբանական ազդանշանների տատանման բնույթի փոփոխմանը, ինչը ևս շատ կարևոր է:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ